پاکستان: تا اکنون بیش از ۴۰۲ هزار مهاجر به افغانستان بازگردانده شده‌اند

رسانه‌ی دولتی پاکستانی گزارش داده است که تا اکنون ۴۰۲ هزار و ۳۱۲ مهاجر غیرقانونی افغانستانی به کشور شان بازگردانده شده‌اند.

رادیو پاکستان امروز (شنبه، ۱۱ قوس) در خبری نوشته است که تنها دیروز سه هزار و ۷۷۶ شهروند افغانستان به کشورشان بازگردانده شده‌اند.

این رسانه افزوده است که بازگرداندن اتباع بیگانه‌ی غیرقانونی، از جمله شهروندان افغانستان به وطن شان ادامه دارد.

پاکستان در ماه اکتوبر برای مهاجران «غیرقانونی»، از جمله ۱.۷ میلیون شهروند افغانستان ضرب‌الاجل تعیین کرد که آن کشور را ترک کنند و در غیر این‌صورت اخراج می‌شوند.

بازگشت و اخراج مهاجران از پاکستان، به وخامت بحران بشری در افغانستان افزوده است.