خبرگزاری باختر تحت کنترل طالبان صبح امروز (شنبه، ۲۴ عقرب) گزارش داده است که هیأت بلندرتبهی تاجیکستان به کابل سفر کرده است.
به گزارش این رسانه، در ترکیب این هیأت نمایندگان وزارت امور خارجه و ادارات امنیتی تاجیکستان شامل هستند.
باختر به نقل از منابع خود نوشته است که هدف سفر این هیأت، گسترش روابط سیاسی، اقتصادی و امنیتی میان تاجیکستان و طالبان است.
گفته شده که قرار است هیأت تاجیکستان با مقامهای طالبان دربارهی همکاریها، پروژههای مشترک و تعامل منطقهای گفتوگو کند.
باختر نوشته است که این سفر تغییری در رویکرد تاجیکستان است و انتظار میرود دربارهی فعالیت سفارت افغانستان در دوشنبه نیز گفتوگو شود.
در میان کشورهای آسیای میانه، تاجیکستان تنها کشوری است که تا کنون ارتباط نزدیکی با طالبان ندارد. سفارت افغانستان در دوشنبه هم تا کنون در اختیار سفیر حکومت پیشین است.
تاجیکستان میزبان دفتر مخالفان طالبان از جمله «جبهه مقاومت ملی افغانستان» است.
