دفتر ریاستجمهوری تاجیکستان میگوید که هفتهی پیش دو حمله از افغانستان در خاک آن کشور انجام شده است.
در اعلامیهی این دفتر که امروز (دوشنبه، ۱۰ قوس) نشر شده، آمده است که در این حملات پنج نفر کشته و پنج نفر دیگر زخمی شدهاند.
امامعلی رحمان، رییسجمهور تاجیکستان، این حملات را بهشدت محکوم کرده است.
او به مقامهای کشورش دستور داده است که اقدامات مؤثری را برای جلوگیری از تکرار چنین حملاتی رویدست گیرند.
در اعلامیهی دفتر ریاستجمهوری تاجیکستان از کشتهشدن شهروندان چین یاد نشده است.
وزارت خارجهی تاجیکستان روز پنجشنبه اعلام کرده بود که در یک حملهی مسلحانه از خاک افغانستان، سه شهروند چین در ولایت ختلان آن کشور کشته شدهاند.
این وزارت گفته بود که این حمله بر کارمندان شرکت «شاهین اسامالالسی» و با سلاح گرم و یک پهپاد حامل نارنجک انجام شده است.
مقامهای تاجیکستان تا کنون در مورد حملهی دوم و نوعیت آن جزئیاتی ارائه نکردهاند.
وزارت خارجهی طالبان حمله به شهروندان چین از خاک افغانستان در تاجیکستان را محکوم و آمادگی خود را جهت همکاری کامل با تاجیکستان برای تحقیق در مورد این حمله اعلام کرده است.
چین نیز کشتهشدن سه شهروند آن کشور در تاجیکستان را تأیید کرد و از شهروندان خود خواست که منطقهی مرزی افغانستان و تاجیکستان را ترک کنند.
