براساس یافته‌های روزنامه اطلاعات روز، در حال حاضر 119 اداره در ساختار دولت افغانستان کارمند متقاعد دارند. براساس معلوماتی که وزارت مالیه در اختیار روزنامه اطلاعات روز قرار داده است، تعداد کارمندان متقاعدی که در بین سال‌های 1396 مالی تا 1398 مالی معاش تقاعدی دریافت کرده‌اند به 152 هزار و 330 نفر می‌رسند. در میان 119 اداره دولتی، وزارت‌های معارف، دفاع ملی، داخله، تجارت، صحت عامه، زراعت و فواید عامه و ریاست عمومی امنیت ملی بیشترین مامورین متقاعد را دارا می‌باشند.